%20long.png)
Cynllun Gweithredu Adfer Natur
Asesu cyflwr byd natur yw’r cam cyntaf tuag at sicrhau amgylchedd iach, cynaliadwy, a lle i fyw a fydd yn ein hysbrydoli ni a chenedlaethau’r dyfodol yn CNPT. Mae’r camau gweithredu a awgrymir yn y ddogfen hon yn dangos y ffordd i gyflawni hynny; ein Cynllun Gweithredu Adfer Natur.
Mae pawb ohonom yn gyfrifol am y camau gweithredu hyn ac felly ni cheisiwyd dyrannu camau gweithredu i sefydliadau neu grwpiau penodol. Yn hytrach, ein gobaith yw y bydd y ddogfen hon yn cynnig canllawiau ac ysbrydoliaeth i unrhyw unigolyn, neu i unrhyw grŵp neu sefydliad, i gymryd y camau gweithredu y mae modd iddynt eu cyflawni. Mae gan Ysgrifenyddiaeth PNL CNPT (Cyngor CNPT) rôl hwyluso wrth gefnogi, casglu a monitro gwaith tuag at y camau gweithredu hyn. Os hoffech chi drafod eich cyfraniad posibl tuag at gyflawni’r camau gweithredu, mae croeso i chi gysylltu â PNL CNPT.
Camau gweithredu ar gyfer adfer pob cynefin yn CNPT
Mae’r camau gweithredu canlynol yn berthnasol i bob cynefin ar draws CNPT ac fe’u rhestrir yma i osgoi eu hailadrodd. Ar gyfer camau gweithredu cynefinoedd penodol, cliciwch yma.
Polisi Cynllunio
Cadw a gwella bioamrywiaeth trwy’r broses gynllunio
Plannu coed
Atal plannu coed amhriodol yn y sir, e.e. mewn cynefinoedd glaswelltir pwysig. Annog adfywio naturiol yn hytrach na phlannu coed lle bydd hynny’n bosibl
Rhywogaethau anfrodorol ymledol (INNS)
Atal INNS rhag ymledu i gynefinoedd pwysig yn CNPT
Meddwl cyn hedfan
Gynyddu ymwybyddiaeth o beryglon hedfan dronau i adar sy'n nythu a cysylltu â chwmnïau hyfforddiant i annog cynnwys tarfu ar rywogaethau yn eu hyfforddiant ar gyfer y rheini sy'n hedfan dronau'n broffesiynol
Gyrru Anghyfreithlon Oddi ar y Ffordd
Rhoi gwybod i’r heddlu am ddifrod i safleoedd natur a achosir gan yrru anghyfreithlon oddi ar y ffordd
Golau artiffisial yn y nos
Ymchwilio i ble y mae golau artiffisial yn y nos yn broblem a phenderfynu ar ble y gellir gwneud gwelliannau.
Rhwydweithiau Natur
Gwella cyflwr, cysylltedd a chadernid safleoedd a warchodir.
Addysg ac Ymgysylltu
Cyflwyno gweithgareddau addysg ac ymgysylltu ar draws yr holl gynefinoedd i gynyddu dealltwriaeth ac ymwybyddiaeth o'u pwysigrwydd ar gyfer natur ac er mwyn mynd i'r afael â'r argyfwng hinsawdd.
Cofnodi
Parhau i gofnodi rhywogaethau yn CNPT a'u cyflwyno i Ganolfan Cofnodi Bioamrywiaeth De-ddwyrain Cymru (SEWBReC)
30x30
Cynyddu faint to dir a warchodir neu sydd dan 'fesurau cadwraeth effeithiol eraill ar sail ardal' (OECMau) yn CNPT, yn unol â tharged 30x30 ac argymhellion y Plymio Dwfn Bioamrywiaeth.
30x30
Cynyddu faint to dir a warchodir neu sydd dan 'fesurau cadwraeth effeithiol eraill ar sail ardal' (OECMau) yn CNPT, yn unol â tharged 30x30 ac argymhellion y Plymio Dwfn Bioamrywiaeth.
Camau gweithredu ar gyfer categorïau penodol
Cliciwch ar y dolenni isod i archwilio'r camau gweithredu ar gyfer pob categori.
Gefndirol
n 2001, lansiodd Fforwm Bioamrywiaeth CNPT (a adwaenir bellach fel Partneriaeth Natur Leol CNPT) ei Gynllun Gweithredu Bioamrywiaeth ar gyfer 2001-2005, a oedd yn cynnwys manylion a chynlluniau gweithredu ar gyfer 80 o rywogaethau a 15 o gynefinoedd. Yn yr un modd â’r rhan fwyaf o’r Cynlluniau Gweithredu Bioamrywiaeth Lleol a gynhyrchwyd yng Nghymru ac yng ngweddill y Deyrnas Unedig bryd hynny, ychydig iawn o’r targedau a gyflawnwyd ac yn y degawdau ers hynny, nid yw bioamrywiaeth wedi ffynnu ar lefel ranbarthol na chenedlaethol. Mewn gwirionedd, mae llawer o boblogaethau bywyd gwyllt pwysig a’u cynefinoedd wedi dioddef colledion sylweddol. Eto i gyd, mae amrywiaeth o gynefinoedd â blaenoriaeth i’w canfod o hyd yn CNPT, gan gynnwys 17 Safle o Ddiddordeb Gwyddonol Arbennig (SoDdGA) ac mae’r sir gyfan yn cynnwys nifer sylweddol o rywogaethau Adran 7 a rhywogaethau eraill â blaenoriaeth ac iddynt werth lleol a chenedlaethol.
Mae’r adnoddau gwerthfawr hyn, sy’n mynd yn brinnach, yn haeddu ein sylw ac er mwyn mynd i’r afael â’r sefyllfa, gwelwyd newid sylweddol yn y gwaith cofnodi bywyd gwyllt yn ardal CNPT yn ystod yr 20 mlynedd diwethaf. Bu hyn o gymorth i ddatblygu cronfa ddata fawr o gynefinoedd a rhywogaethau sydd, yn ei thro, wedi caniatáu i ni ddeall yr enillion a’r colledion o ran bioamrywiaeth yn ardal CNPT.
Ar yr adeg hon, mae angen i ni ddeall pa mor dda neu pa mor wael y mae natur yn ymdopi yn CNPT er mwyn i ni allu amddiffyn yr amgylchedd naturiol, cadw ein mannau gwyllt a chynllunio ar gyfer y dyfodol. Asesu cyflwr byd natur yw’r cam cyntaf tuag at sicrhau amgylchedd iach, cynaliadwy, a lle i fyw a fydd yn ein hysbrydoli ni a chenedlaethau’r dyfodol yn CNPT. Mae’r camau gweithredu a awgrymir yn y ddogfen hon yn dangos y ffordd i gyflawni hynny; ein Cynllun Gweithredu Adfer Natur.